यस्तो एउटा कविता लेख्ने मन छ
जस्ले,
होस खोलोस्
अनि जोस खोलोस्
र बुनोस् यस्तो सपना
जुन,
रंग भरिएको रंगिन होस
रंग भएर नि रंगहिन होस
र कुरोस् यस्तो समय
जहाँ रातमा पनि दिन होस
जहाँ ,
पेट भर्ने बाली हुनेछ
शिर जोगाउने पाली हुनेछ
उमंग हुनेछ उत्साह हुनेछ
प्रशंसा को ताली हुनेछ
र ,
हुने छैन त्यहाँ
जातका कुरा देशका कुरा
धर्मका कुरा भेषका कुरा
झगडा कुरा दुखका कुरा
द्वन्द को कुरा कलेश कुरा
तर अहिले यो समय आएको छैन
तेसैले त मनलागेर पनि लेखेको छैन
यस्तो एउटा कविता
जस्ले,
होस खोलोस्
अनि जोस खोलोस्
र बुनोस् यस्तो सपना
जुन,
रंग भरिएको रंगिन होस
रंग भएर नि रंगहिन होस
र कुरोस् यस्तो समय
जहाँ रातमा पनि दिन होस